嚟喇喂 (Closed)

由於住係附近，所以成日都會經過，之前食過錫紙鍋粉絲覺得一般，不過最近見轉左人所以再試下，發覺質素好左，同埋幾貼心，外賣時佢會將粉絲同湯底分開裝，驚粉絲索哂水，個辣度好夠，仲有好多料添，整體黎講好味，料又足。今日再試埋個酸辣粉，嗌微辣，因本人唔係好食得辣所以覺得微辣都好夠，酸度都適中，如果食得酸既話可以要求加酸，另外以我印象中佢地好仲有手抓餅同其他野食，整體黎講呢間野都幾好味，又平又低食，學生哥都可以黎試下。