Balencia Bakery & Cafe (Closed)

朋友生日要買蛋糕，生日慶祝當晚會去食火鍋，為免令大家食完火鍋後太飽，仲要食蛋糕，最終決定買個雪糕蛋糕。雪糕蛋糕又開胃，而且天氣熱，雪糕十分受歡迎。坊間雪糕蛋糕似乎被一兩個牌子壟斷了。想來想去，都想不到有什麼另類嘅雪糕蛋糕選擇。逛逛商場時，有意外發現。經過 Balencia Bakery ,發現佢新出雪糕蛋糕。本人喜愛這麵包舖的麵包，平時都有幫襯，但講到雪糕，就未試過。於是抱住白老鼠嘅心態，不妨比自己一個機會，試試新野。我哋選擇咗Strawberry Chocolate 雪糕蛋糕，價錢比一般雪糕蛋糕大牌子平好多。味道出乎意外地好味。朋友們大讚！