加藤屋 (元州街) (Closed)

下午茶，不二之選！加藤屋！下午茶價錢超平，$20一碗飯, 仲跟埋餐飲。再配小食，脆炸旋風薯棒、爆脆蝦角，兩個人先至55蚊！爆脆炸蝦角，外型就係好似一般嘅咖哩角咁樣，食落去裏面就係一啲蝦肉咁樣，新鮮，炸得好脆口。脆炸旋風薯棒，外型好似龍捲風咁樣好得意，薯仔炸得又香口又脆身又惹味，重點就係，唔會好油膩。加藤牛肉飯-原味 (細) + 加藤牛肉飯-中辣 (細)， 我冇食到辣嘅所以唔知乜嘢味，我食嗰碗係原味，飯粒好煙韌好飽滿，好香 ; 牛肉好嫩滑好夠味道，好夠牛肉味，好有日式風味，洋蔥好甜好香。 食後感，就係very good