Video
Read full review
2018-06-06
47 views
臺茶·薈啱啱喺天后新開，店舖既裝修比較似Cafe，樓高兩層。有時得閑同朋友坐喺度食下野傾吓偈都幾唔錯㗎！雖然鋪頭細細，但食物種類夠多，食物價錢亦都唔算太貴。🍴招牌紅燒牛肉麵呢個牛肉麵用咗牛腩粒同埋牛展，兩款牛肉亦都煮得好夠林，非常入味。個麵底方面係陽春麵，所以個陽春麵入口好爽口，而且麵條亦都比較粗，因此陽春麵入口嘅口感亦都唔錯。另外個陽春面亦都可以掛到湯，所以入口亦都唔會話好乾身。至於個湯底方面有好香嘅牛腩牛骨味，味道好濃郁。另外牛肉麵裏面仲有啲蘿蔔同埋少許配菜，亦都煮得好淋好入味。🍴豬軟骨肉躁飯呢度嘅肉躁飯上面啲肉躁比得好多，不過肉躁嘅味道就屬於偏甜。肉躁嘅味道甘香，而且又唔會太肥膩，配埋白飯一齊食簡直一流。今次小編就揀咗豬軟骨做配料，豬軟骨嘅調味幾香，腍軟的豬肉連住脆軟的骨，口感唔錯，而且味道亦都唔算差。🍴鹽酥雞扒鹽酥雞扒即叫即炸，所以都要等返咁上下時間，但小編個人覺得都係值得嘅。鹽酥雞扒上面加左少量華鹽，所以入口好惹味。另外鹽酥雞扒入口好juicy，肉質好嫩滑，粉漿亦都好薄，炸出嚟完全一啲都唔油膩。🍴煎蠔餅估唔到係台式餐廳都可以搵到煎蠔餅，不過呢度個蠔餅就比較特別。煎蠔餅煎得比較
雖然鋪頭細細，但食物種類夠多，食物價錢亦都唔算太貴。
招牌紅燒牛肉麵
$55
4 views
0 likes
0 comments
🍴招牌紅燒牛肉麵
呢個牛肉麵用咗牛腩粒同埋牛展，兩款牛肉亦都煮得好夠林，非常入味。個麵底方面係陽春麵，所以個陽春麵入口好爽口，而且麵條亦都比較粗，因此陽春麵入口嘅口感亦都唔錯。另外個陽春面亦都可以掛到湯，所以入口亦都唔會話好乾身。至於個湯底方面有好香嘅牛腩牛骨味，味道好濃郁。另外牛肉麵裏面仲有啲蘿蔔同埋少許配菜，亦都煮得好淋好入味。
豬軟骨肉躁飯
$45
12 views
0 likes
0 comments
🍴豬軟骨肉躁飯
呢度嘅肉躁飯上面啲肉躁比得好多，不過肉躁嘅味道就屬於偏甜。肉躁嘅味道甘香，而且又唔會太肥膩，配埋白飯一齊食簡直一流。今次小編就揀咗豬軟骨做配料，豬軟骨嘅調味幾香，腍軟的豬肉連住脆軟的骨，口感唔錯，而且味道亦都唔算差。
鹽酥雞扒
$30
4 views
0 likes
0 comments
🍴鹽酥雞扒
鹽酥雞扒即叫即炸，所以都要等返咁上下時間，但小編個人覺得都係值得嘅。鹽酥雞扒上面加左少量華鹽，所以入口好惹味。另外鹽酥雞扒入口好juicy，肉質好嫩滑，粉漿亦都好薄，炸出嚟完全一啲都唔油膩。
煎蠔餅
$35
9 views
0 likes
0 comments
🍴煎蠔餅
估唔到係台式餐廳都可以搵到煎蠔餅，不過呢度個蠔餅就比較特別。
煎蠔餅煎得比較乾身，最重要嘅係入口完全一啲都唔油膩。不過煎蠔餅嘅粉漿就比較多，而且蠔既分量亦佔得比較少，確實係有少少失望。但係蠔餅亦都煎得好香脆。而且蠔餅裏面仲有啲菜甫、芫荽同蔥，所以口感亦相對比較豐富。師傅仲喺蠔餅既表面仲加左啲蔥粒，可以話係色香味俱全。
豆沙鍋餅
$25
3 views
0 likes
0 comments
🍴豆沙鍋餅
本來一心諗住帶個仙草凍來做甜品，點知去到佢竟然一粒芋圓都冇，所以最後決定就試吓呢個豆沙鍋餅。
豆沙鍋餅一碟有八舊，豆沙鍋餅每舊都細細舊，一啖一個啱啱好。豆沙鍋餅做得比較薄身，口感帶有少少煙韌。鍋餅中間包住啲豆沙蓉，有少許甜。不過豆沙鍋餅即叫即整，所以攞上枱個陣仲係熱辣辣架，都幾好食下。
經典珍珠奶茶
$17
6 views
0 likes
0 comments
🍴經典珍珠奶茶
珍珠奶茶入口比較淡茶味，奶味會比較香，不過珍珠奶茶入口唔算話太甜。至於珍珠方面口感都尚算煙韌，有淡淡的黑糖味。
Post
