三公台灣料理 (Closed)

☞ 旺角 三公 ☜———————————————又平又好食，坐得又舒服嘅台式餐廳😍———————————————◊ 三公台灣風味友人丼 ($220) ◊呢個係一個份量好足嘅二人餐，包括兩個主食、一個小食、兩個甜品、兩杯飲品。主食可以五選二，揀咗淡水花枝餅滷肉拌麵同香脆鹽酥雞滷肉拌飯。滷肉肥瘦均勻，亦都滷得好入味。麵本身係扁嘅粗麵，食落去有少少椒麻味，配上滷肉汁，味道層次豐富，都比較特別。花枝餅中間有啲粟米粒，食落彈牙。鹽酥雞有少少似日本炸雞，酥脆之餅又鎖住啲肉汁🤤小食係甘梅地瓜條，地瓜都幾甜，再加上酸酸甜甜嘅甘梅粉，好開胃🤪甜品係檸檬白玉愛玉同黑蜜粉粿，前者食落好清新，愛玉滑捋捋。後者充滿黑糖嘅香甜又煙韌🤩飲品揀咗鳳梨冬瓜茶同山茶花烏龍奶蓋，前者冬瓜甜味較出，再加上鳳梨粒，都幾解膩。山茶花烏龍奶蓋茶味幾香，奶蓋重奶味又香滑😋美味程度: ㊣㊣㊣㊣.5/5◊ 椒麻拼盤 - 金錢肚、牛舌、大腸 ($56) ◊每樣嘢都滷得好入味，食落有啲辣，牛舌就比較出色，好大塊又好淋😚美味程度: ㊣㊣㊣㊣.5/5◊ 台式滷味 - 甜不辣、豆腐 ($12+10) ◊甜不辣好煙靭，豆腐好滑又好香滷水味😌美味程度