Plato Cafe & Bistro (裕民坊YM²)

今日嚟到觀塘裕民坊呢一間餐廳，地鐵站行過去，大概只係5分鐘嘅距離都算係非常方便，我同朋友大概係夜晚7:00去食，人流都還可以，可能因為星期三平日嘅關係，餐廳嘅經理非常熱情為我哋介紹餐牌，我同朋友就每人各點咗一個餐，每一個餐都會包是日嘅餐湯，同埋一杯$32嘅飲品，性價比嚟講都唔算太貴，而且呢一個價位喺同區嚟講，亦都算係中價嘅價位，我覺得可以接受！西班牙海鮮炒飯，分量嚟講都唔算太少，而且有幾種唔同嘅海鮮，包括有蝦大蜆青口帶子同埋魷魚，口感嘅配搭上都非常有層次，而且西班牙炒飯加咗翠玉瓜，令到口感嘅配搭上更加特別，西班牙海鮮炒飯亦都熱辣辣，即叫即做，絕對唔係預先做好，我同朋友都覺得呢一個價錢食到西班牙炒飯真係算幾okay, 海鮮嚟講比較鍾意食佢嘅大蜆，大大隻而且冇沙，食得出餐廳喺處理新鮮嘅海鮮過程有落到功夫，非常鮮甜美味，而且大大隻，very good!另外我哋叫左澳洲肉眼牛扒，經理叫我哋大概要五成熟就可以，當然我哋亦都叫咗五成熟，牛扒嘅味道非常鮮嫩，食得出係高級嘅貨源，而且食落都冇雪藏嘅味道，牛扒再配埋西蘭花青豆同埋薯蓉，再加埋餐廳特別炮製嘅燒汁，口感上嘅配搭都幾好，而且牛扒都非常大塊，適合