韓米Miso (啟田市場) (Closed)

呢排食好多外賣！今日放學嚟藍田蒲，咁耐冇嚟估唔到宜家呢到多咗條食街咁多嘢食，仲可以同英式電話亭（藍田小倫敦）打卡添。韓米Miso係食韓式小食嘅，下次試埋其他。情人節二人套餐 $99本身淨係想要個飯，但店員推介我試埋情人節套餐，佢話個盒係心形好靚。B餐有五花腩紫菜卷、炸雞翼兩隻、炸雞槌兩隻同埋薯條。二人套餐一人一隻，如果冇情人就可以一個人食曬兩隻。套餐仲配有泡菜或黃蘿蔔。估唔到咁平啲炸雞咁大件，仲要好香脆，我細佬又偷食！紫菜卷足料好食，好香肉味，好有以前喺韓國食嘅味道！韓式拌飯 (牛) $48好豐富好足料！有肉同好多菜，例如翠玉瓜、紅蘿蔔、豆芽，健康美味！有少少韓式辣醬但唔會太辣，拎返屋企嗰陣好香！啲牛肉都唔韌。