土司工坊 (Closed)

有日行去太古坊食野，途中發現開左間土司工坊，太古城難得有新餐廳，梗係好想試下，不過我ｄ飯腳嫌熱同遠，今日專登約朋友去食晏．我12點3去到，朋友一早到左．餐牌好簡單，有咖喱雞加多士餐，laksa，椰漿飯，公仔面餐或者唔同topping的多士餐，朋友唔食辣，所以兩個人點左個“娘惹麵線”餐同公仔面餐，再加一個kaya厚多士 ．公仔面的餐肉同蛋煎得好香，但面就腍身左少少，唔係出前一丁，哈哈！娘惹麵線個汁好味，撈埋食蝦同蛋一齊食，正！個kaya厚多士唔知點解好耐先黎，好在上枱時熱辣辣，又香又脆，果然係招牌菜呀！（食完先記得未影相　）跟餐飲品order左南洋咖啡同奶茶，個人覺得奶茶香ｄ好飲ｄ．．．埋單每人唔使40蚊，太古城黎講算係抵食好味之選．唔想等位就要早ｄ去啦．唯一要彈就係二人位比較逼，坐得唔舒服，張枱細唔夠擺食物．．．．．