Video
Read full review
2023-11-25
1076 views
間唔中就會過去Mikiki嗰邊 呢度有間一韓燒係我幾鐘意嘅🥩抵食又好味 而且裝修都好舒服 夠晒寬敞 抽氣做得好 食完之後完全唔會有油煙味😌同朋友一人點咗一個餐share食 套餐會有埋前菜/湯同飯🍚ꕥ 北海道產黑毛和牛套餐有牛肩胛同肉眼蓋兩個部位 所用嘅黑毛和牛嚟自北海道🇯🇵牛肩胛好軟嫩 充滿肉汁 而肉眼就薄薄地好大塊 油脂平均 入口好有溶化感🐂兩款除咗點燒肉汁 另外仲配有黑松露日本生雞蛋 可以點蛋汁食 更加香🤤咁正嘅牛越食越開胃 所以額外追加咗牛五花同牛板腱 同樣充滿油香 牛味濃郁ꕥ 飽住瘦身餐鐘意食豬嘅必點‼️個名叫飽住瘦身 其實係一個生酮餐 無澱粉質 主要係豚肉同生菜🥬將黑毛豬五花肉燒好 再用菜包住食 記得將韓式辣醬同蒜頭包埋一齊 呢種韓式食法會更香🇰🇷個人會將豚肉燒到焦香 邊位帶有少少脆身 口感一流👍🏻最後仲食埋甜品奶醬牛角包窩夫 好酥脆🧇而且又唔會太甜 同埋當時咁啱特飲有7折 就叫咗青蘋果乳酸同玫瑰茘枝梳打🍹大大杯食燒肉飲就啱晒啦
同朋友一人點咗一個餐share食 套餐會有埋前菜/湯同飯🍚
ꕥ 北海道產黑毛和牛套餐
有牛肩胛同肉眼蓋兩個部位 所用嘅黑毛和牛嚟自北海道🇯🇵牛肩胛好軟嫩 充滿肉汁 而肉眼就薄薄地好大塊 油脂平均 入口好有溶化感🐂兩款除咗點燒肉汁 另外仲配有黑松露日本生雞蛋 可以點蛋汁食 更加香🤤咁正嘅牛越食越開胃 所以額外追加咗牛五花同牛板腱 同樣充滿油香 牛味濃郁
ꕥ 飽住瘦身餐
鐘意食豬嘅必點‼️個名叫飽住瘦身 其實係一個生酮餐 無澱粉質 主要係豚肉同生菜🥬將黑毛豬五花肉燒好 再用菜包住食 記得將韓式辣醬同蒜頭包埋一齊 呢種韓式食法會更香🇰🇷個人會將豚肉燒到焦香 邊位帶有少少脆身 口感一流👍🏻
最後仲食埋甜品奶醬牛角包窩夫 好酥脆🧇而且又唔會太甜 同埋當時咁啱特飲有7折 就叫咗青蘋果乳酸同玫瑰茘枝梳打🍹大大杯食燒肉飲就啱晒啦
Post
