麻辣五三五 (Closed)

食辣絕對係一個挑戰，特別係辣得嚟又香又有層次嘅麻辣，真係令人非常喜愛；但每次食完麻辣之後，第二朝肚仔總會唔舒服。不過，唔理得咁多，好味嘅嘢當然要食咗先講。今日同M佬嚟到尖沙咀麻辣五三五，呢度嘅川菜價錢非常親民，嚟到就一定要試吓佢嘅烤魚啦！水煮烤魚烤魚有唔同嘅湯底選擇，包括水煮、酸菜、麻辣、香茜皮蛋同清香，我哋就揀咗水煮。餐廳先將原條魽魚炸熟，再放上烤盤，令魚肉更鮮嫩彈牙；另外，魽魚嘅骨唔多，啖啖肉真係好滿足。至於湯底用咗大量辣椒、花椒同香料，越食越辣。配料食水煮烤魚，配料當然唔少得。本身跟鍋上嘅配料除咗辣椒等香料之外，就只有唐芹，所以我哋叫咗嘅配料都以索味為主。我哋叫咗鮮枝竹、萵筍、豬頸肉同水晶粉。喺我哋落配料前，店員會將水加入烤魚嘅湯底，但加完水之後，湯底即刻變得好淡唔辣，所以喜歡重口味嘅，建議加少啲水，或者唔加水喇！麻婆豆腐豆腐夠嫩滑，辣味好香好有層次，非常惹味。干煸四季豆份量非常多，炒得夠乾身，好有鑊氣。肉碎份量多，鹹香十足。