Video
Read full review
2009-10-27
71 views
今日重陽節同家人三點左右去鑽石山拜完山後就搭車嚟呢度燒嘢食，對呢度真係又愛又恨：愛呢度冇時間限制(重點)，地點適中(因為家人大多數住東九龍)，地方大，可帶寵物，食物種頪多，有沙灘俾小朋友玩恨呢度價錢一次比一次貴(重點)，落車後仲要行一段路，空氣混濁，食物偏咸，贈送飲品太少，愈嚟愈孤寒同唔環保實在要讚下呢度，時間真係冇限制，有本事的大可以由午餐食到宵夜都得，咁我同家人今日只係由下午茶食到晚餐，燒到九點左右走人；眼見今日雖然係假期，但都唔算好多人，好好彩我哋仲可以坐到近海邊位置，，邊燒邊有海風吹住，正呀！呢度ge食物種頪算唔少，有腸仔、丸(其碼有5-6款)、咖喱魷魚、雞扒、牛扒、豬扒、煙肉、腎、秋刀魚、多春魚、沙蜢魚、雞翼(共有四款)、番薯、栗米、菠蘿、茄子、厚方包同法包，而家仲有蒜蓉牛油，因為以前我要自己帶去，熟食就有茶葉蛋、燒賣、魚蛋、意粉、炒飯、蝦片，所以佢ge種類都算令人滿意唔知呢度係咪獨市生意，唔似屯門龍鼓灘咁多競爭，嚟呢度食一次比一次貴，今日係特別假日要收$148一個人，小朋友都$108，我哋共有6大人1小童，埋單計數成隻金牛俾咗佢哋，真係去酒樓食分分鐘抵過佢哋。雖然佢哋係好多
愛呢度冇時間限制(重點)，地點適中(因為家人大多數住東九龍)，地方大，可帶寵物，食物種頪多，有沙灘俾小朋友玩
恨呢度價錢一次比一次貴(重點)，落車後仲要行一段路，空氣混濁，食物偏咸，贈送飲品太少，愈嚟愈孤寒同唔環保
實在要讚下呢度，時間真係冇限制，有本事的大可以由午餐食到宵夜都得，咁我同家人今日只係由下午茶食到晚餐，燒到九點左右走人；
眼見今日雖然係假期，但都唔算好多人，好好彩我哋仲可以坐到近海邊位置，，邊燒邊有海風吹住，正呀！
呢度ge食物種頪算唔少，有腸仔、丸(其碼有5-6款)、咖喱魷魚、雞扒、牛扒、豬扒、煙肉、腎、秋刀魚、多春魚、沙蜢魚、雞翼(共有四款)、番薯、栗米、菠蘿、茄子、厚方包同法包，而家仲有蒜蓉牛油，因為以前我要自己帶去，熟食就有茶葉蛋、燒賣、魚蛋、意粉、炒飯、蝦片，所以佢ge種類都算令人滿意
唔知呢度係咪獨市生意，唔似屯門龍鼓灘咁多競爭，嚟呢度食一次比一次貴，今日係特別假日要收$148一個人，小朋友都$108，我哋共有6大人1小童，埋單計數成隻金牛俾咗佢哋，真係去酒樓食分分鐘抵過佢哋。
雖然佢哋係好多食物選擇，但都係偏咸，特別係啲丸同腸，都唔明點解，食完真係成罐可樂隊哂至搞點，但可惜呢度只係包一支Bon.水同一罐汽水，佢哋啲食物整得咸啲咪可以令人同佢買多啲汽水賺多一筆囉！
之前佢啲粟米同薯仔會用鍚紙包好哂俾人任攞，而家佢啲粟米同薯仔雖然都係任攞，但冇咗鍚紙包住，要鍚紙就要同佢哋買，又要俾錢佢哋賺。
我記得佢以前係有一個大櫃放哂啲膠碟同鐵刀叉俾人任攞，可以循環再用，但而家佢哋係每人派一份發泡膠碟同膠刀叉，生熟食物都係用呢啲發泡膠碟，真係超唔環保。
始終少競爭就真係差少少，真係希望西貢區可以開多幾檔有質素的燒烤場可以選擇。
Post
