Video
Read full review
2015-05-11
653 views
前言: 添財記我大大話話幫趁咗十幾年, 由最初的'好', 到後期的'麻麻地', 到最後期'no, thank you!'~~真係叫我又愛又恨, 以前, 一杯凍央, 一碟牛腸, 是我到那裡的'例牌', 間中又會係炸兩腸, 豬扒福麵, 但近幾年幫趁, 凍央其實都OK啱我口味, 然則...間鋪無論早/中/下午我去見到它的客量雖夠暢旺, 估佢都係晨早開咗次炸鑊後就不再開直至賣完為止, 所以即使"有幸"炸兩未賣晒, 十次有十次都林晒好'un', 腸粉次次都不是即拉肯定是"番蒸"因粉皮一夾就爛蓉蓉, 好差! 鮮油多士的'油'成片溶晒唔見影, 件多士又乾爭爭...失望加失望!!! (PS: 當然晨早至10時腸粉/炸麵可能好得多, 我通常11點後至出現係我自己"執輸"; 但人家寫油器'全日'脆卜卜~ 真是有點兒吹捧過頭?! 我真係sorry喇未撞過咁好彩) 故事發展是後來福佬村道開了'海景'全日不定時經常出新鮮熱辣的炸麵/牛脷酥/鹹煎餅, 鮮油多又唔會將件鮮油'被消失', 既然如此, 為何還要"貼錢買難受"死忠於添財記????) 因為杯凍央?! 對它的情意結?! 都'忍'佢好幾年至
(PS: 當然晨早至10時腸粉/炸麵可能好得多, 我通常11點後至出現係我自己"執輸"; 但人家寫油器'全日'脆卜卜~ 真是有點兒吹捧過頭?! 我真係sorry喇未撞過咁好彩) 故事發展是後來福佬村道開了'海景'全日不定時經常出新鮮熱辣的炸麵/牛脷酥/鹹煎餅, 鮮油多又唔會將件鮮油'被消失', 既然如此, 為何還要"貼錢買難受"死忠於添財記????) 因為杯凍央?! 對它的情意結?! 都'忍'佢好幾年至死心'bye佢'...這些那些我在舊鋪的post已寫過...
=================
今日: 前事寫完, 早幾日行街見到添財記個招牌, [咩話?! 你又返嚟?! 咪告別咗囉, 咪玩啦!!!!] anyway, 你返得嚟, 我呢啲曾經係'添粉'的都要係咁意'朝吓聖'啦...
首先, 間鋪好攪嘢, 明明係新張一星期, 但成間店無論個殼定內籠配件都完全唔似新張大吉, 還感覺有點兒邋遢, 如果唔知來龍去脈的可能以為這是一間老店; 其次, 睇見幾個熟口面舊班底兄弟檔, 街坊們應該好高興, 但我回想起當日水準反而有點擔心: [今日這餐會否又嘥quota?] 因為舊鋪臨執前真的幾差, 可能一心諗住放租比"泰仔", hea住做, 希望它千萬、千萬、千萬不要保持水準呀!!!!! 好鬼長氣, 但確係"愛之深, 恨之切!"所以越寫越多, 各位添粉不滿都請睇埋先閙我~~
終於入正題: 價錢無太大變動, 都可謂"抵食"...
杯央一上, 急不及待啜番啖先, 唔...都保持一貫水準, 不錯, 沒有失手勢!
凍鴦
$15
99 views
0 likes
0 comments
$17
112 views
0 likes
0 comments
$17
87 views
0 likes
0 comments
鮮油/奶多士
$13
79 views
0 likes
0 comments
鮮油/奶多士
$13
66 views
0 likes
0 comments
鮮油/奶多士
$13
96 views
0 likes
0 comments
總括而言, 當日一別無懷念, 今日重逢有進步, 俾個"OK", 希望保持水準, 千萬不要重滔覆轍越做越[頹], 睇住自己幾十年的招牌呀! 添財記, 其實我真係對你鬼咁又愛又恨... 加油呀!!
Post
