唐記包點 (太安樓)

Open Now

Now Closed

唐記包點一向都係出名又抵又好食，而且分店又多，好鐘意平時落街買返屋企一家大細食。尤其佢每日嘅精選蒸飯只係$20，非常抵又夠飽！雞札、鮮竹卷兩樣非常足料，尤其係雞札，食落啖啖肉，拍得住茶樓嘅點心嘅質素！杞子燒賣有豬肉同蝦肉，豬肉份量比蝦肉多，味道都幾好！榨菜肉包唐記嘅包又大又多餡，成日早餐買來食，第一次試呢款榨菜肉包，比起普通菜肉包，呢個包比較濃味。北菇滑雞飯個飯拎到返屋企仲熱辣辣，雞肉確係好嫩滑，而且醃得好夠味，飯嘅份量亦都足夠，午餐晚飯嘅平價之選。香滑奶茶茶味好濃，好順滑嘅口感，味道甜甜地，雪凍後飲口感更好！