無辣不歡 (Closed)

第一次試無辣不歡，佢主要係做手撕雞同串燒，價錢十分抵，真心估唔到三十幾蚊旣手撕雞都可以咁好食。手撕雞可以配旣面食種類都算多，今次就叫左烏冬，仲有蕎麥麵幾特別諗住下次試。就算係外賣，d湯都仲熱辣辣，而且唔係就咁清湯，係似喇沙湯底，而d湯倒左落去都唔會令到手撕雞味道變淡，唔錯唔錯。至於佢旣手撕雞，個人食得辣覺得辣度非常夠，d雞又滑，而烏冬唔會淋bat bat，夠煙韌係我中意旣type。熱辣辣成碗野食落好正，份量超級多，好滿足！另外試左串西班牙五花腩，肉質都唔錯，肥肥地口感好好，而且中間串左d蔬菜，即刻冇咁heavy，可以一試！