Go Go咖喱 (Closed)

日本連鎖式咖喱店go go curry係香港銅鑼灣開業,位置冷清,我兩點去到(仲算係lunch time)竟然唔駛排隊之餘,裡面仲只得四五個客係太新冇人知?位置唔好?香港人對咖喱冇興趣?真係不得而知~窄長形鋪頭好細間,只可以坐十個人左右,大部分係吧枱位~牆上電視不停播住go go curry既日文介紹片段,突然覺得好有身處日本feel~btw,呢度店員唔多,但個個都nice,收銀姐姐好詳細介紹分量,日本過來既中國籍店長就好親切,廚師都好健談~呢度係採取先購票,後上菜方式,買左票乖乖坐定等食得喇~款式選擇唔多,全部咖喱,配料得幾款：炸豬扒、炸雞扒同go go咖喱(雜菜),遲下會有雜錦飯推出,又扒又蝦又蛋又腸至於分量,可以選小,中,大同特大,小既大概有一碗飯,中有兩碗,如此類推~新張期內,5月底前所有分量劃一價$55(日文5字同go近音)~因為餓餓地,又因為價錢吸引,我被收銀姐姐游說叫左中級~配料係炸豬扒(總覺得雞扒唔襯)~睇到賣相都食指大動先講豬扒,要讚讚師傅個炸功,雖然唔係咩炸豬扒名店,但炸得火候剛好,外皮乾脆,唔覺油膩(可能畀咖喱汁冚左),肉質唔算juicy,但未至於鞋,算係咁~再講