上海廳 (Closed)

平日好鍾意食上海菜，見天水圍開左間新嘅上海野食 ，放左工就call 同樣好愛上海菜嘅friend 一齊食！每次食上海野 ，當然唔會叫漏我最鍾意食嘅花雕醉雞醉雞切得好工整，件數都唔少。雞肉好滑，不過話梅醉雞酒味比較淡，唔算突出，可能係我個人鍾意比較重酒味。不過同行不好酒嘅朋友就覺得好易入口，好好食食完冷盤，就食熱食點心啦！小籠包大大粒、而且剛出籠，所以好夠熱，連湯汁都滴曬出黎豬肉餡汁都算鮮美。另一款主菜係蔥爆羊肉，羊肉炒得好香，醬汁好惹味，連京蔥和香料很好充足。而且羊肉都唔膻，一口一啖，好好餸飯。最後上埋個砂鍋醃篤鮮，第一次試呢個湯，聽個名都唔知裏面有啲咩，原來係用鹹火腿、鮮肉、青菜同百頁結煲嘅湯，湯頭都好清幾鮮甜，亦唔會好重味精味，而且很大一鍋，可以盛到每人五六碗。最好我們兩個人食左好多野，但埋單都唔貴，性價比好高