燒串煲 (Closed)

成日都好想食串燒，但又好怕熱同埋怕食完之後成身都係油煙味，但今日機緣巧合之下黎到呢間燒串煲，其實呢度唔知有串燒食，仲有雞煲食，雞煲可以揀有雞或者冇湯，有湯食完仲可以打個邊爐！ 係呢度食串燒就唔驚有好多油煙食完成身都臭哂咁，反而仲好乾淨又夠涼爽坐得又舒服，我見隔離枱一家大細黎食都冇問題！ 我地先叫左個二人餐，我地揀左乾鍋、蟶子、扇貝、雞腎、雞翼、皮蛋。皮蛋好快就上左枱！有D麻辣醬夠哂惹味 !!二人份量岩岩好再多就食唔到其他野！蟶子真係估佢唔到咁好食…..!!有蒜同粉絲係面，我地所有野都叫左小辣，仲要辣辣地咁真係好正！！！重點係蟶子唔會燒得過熟，岩岩好，仲食到好新鮮彈牙有海鮮既鮮味！扇貝都一樣咁好食！不過相比起我中意蟶子多D因為多D肉！但其實佢D海鮮都真係十分出色 ！　雞腎同雞翼都燒得緊緊熟，唔會過老！真係要俾個like佢地！ 我地食完二人餐覺得唔夠喉再叫左鯖魚、娃娃菜、豬腩肉、翠肉瓜、露荀肥牛卷！係個娃娃菜略嫌有D細揪同埋燒得燶左D，其他都好好好好！翠肉瓜燒完都仲有勁多汁！同埋豬腩肉都真係唔可以唔食！！！好出色！