常滿雞煲火鍋專門店 (Closed)

剛剛係荃灣行完街，諗住去食野，其中有個朋友想打邊爐，佢就提意左去常滿雞煲火鍋，我因為好小聽到這間名字，因我本身都唔係荃灣人，，不過咁多人一齊食我都係無咩提意既，最終去左食既，一去到六點幾倒，但都要等左十分鐘先入到去坐，跟住我立克緊係睇下有啲咩好食啦，見啲朋友係咁話要去這間食，所以一坐低就叫左兩個雞煲先，咁啱又見到啲牆身有啲套餐，我心諗啱晒，我地咁多人食，套餐一定夠食啦，我一見到個牛肉餐立克發光，佢地一共有三個套餐，最緊要就係138蚊超低嘛！！ 當然緊係叫晒三個啦！！ 哈哈！！當雞煲黎既時候我都唔覺有咩特別，但雞煲一滾起既時候打開個蓋超香囉，忍唔住就好快咁食左一舊，個汁送飯真係一流，不過打邊爐叫白飯又好似怪怪地，都係算啦打返邊爐吧，我覺得都真係幾好食，唔怪之得個朋友話想黎哩度食！！食完個雞咁啱啲套餐又黎到，我一睇到，哇。。。都擺放得好好睇喎！！所以我都影左一張相留念下！！嘿！！重有好多野都幾好食！！！重括黎講係冇介紹錯既！！我下次都會叫啲朋友黎試下！！