Sky726

經過上次嘅法國菜後，就對fine dine好有興趣，就搵左依間係旺角鬧市嘅靚景餐廳。環境佈置有格調，如果坐係窗邊就可以欣賞旺角嘅夜景。今次點左香煎帶子寬條麵伴煙紅椒汁，平時食寬條麵多數都係蕃茄汁或者忌廉汁，今次係第一次試煙紅椒汁，本身幾驚佢會好辣，但食落一D辣味都冇，但食落有淡淡嘅胡椒味。佢整體黎講幾好味，因為寬條麵食落有少少彈牙，冇煮到好淋，而帶子食落幾鮮甜。虎蝦意大利飯伴龍蝦牛油汁真心唔錯，首先龍蝦牛油汁同個飯非常夾，龍蝦味非常濃，牛油令到個飯更加香，佢仲加左芝士，令到成個飯更加好味。意大利飯入口好creamy，吸曬龍蝦汁，而虎蝦就幾彈牙，蝦味都濃。