Fjaka (Closed)

這間Bar由名字開始已經吸引，唔懂乜嘢係Fjaka就有一種神秘感，去到餐廳所在樓層出lift後，燈光暗暗好有氣氛，去到門口，原來係一度閘門，打開後，仍然係暗喑燈光，加上要經過一條長走廊，好似要進入另一個世界，有點刺激，入到裏面，有近室內同近室外位置，就算坐近室內都可以睇到外面大廈燈飾，好靚，小編同朋友當日就坐喺近室內位置，又坐得舒服又有開寛景觀。📌太平洋吞拿魚他他伴西瓜這個他他嘅創意不錯，用西瓜正方粒做他他底，上面放吞拿魚蓉，食落又甜又鹹又有西瓜汁，賣相又靚，作為前菜非常開胃，作為冷盤亦係相當出色，不過小編覺得如果用蜜瓜正方粒做底可能更加好，青綠色蜜瓜加紅色吞拿魚感覺顏色更豐富，打卡會更靚。📌意式腸拼盤配楓糖芥末醬這個腸仔拼盤有四款腸，一款偏辣，四款都烤香，沾上楓糖芥末醬更惹味，作為小食相當不錯，一小片腸仔又一口飲品又同朋友傾吓偈，整碟腸仔不知不覺就食完，又享受又滿足。📌香烤澳洲M5和牛澳洲和牛分12級，M12最高，而M5連日本A2級和牛都未到，雖然用料差少少，但食落又唔覺得差，肉質算嫩滑多汁，只係有幾片肉近根比較韌，肉表面都烤得香，裏面都係鮮紅約6成熟，整體都係滿意，作為一間bar嘅