Noc Noc

Open Now

Now Closed

朋友好耐之前推介我食嘅餐廳，但因為要的起心肝入大埔真係唔容易，所以拖左好耐先黎試。一食果然被驚艷到！冇咩特別做功課唔知原來係間酒吧黎嘅。黎到門口都猶豫左2秒係咪真係呢度。見到氣氛好chill，雖然疫情下又係平日夜晚，但無阻餐廳有唔少客人！唔特別鐘意飲酒嘅我黎到都決定試下叫杯飲下。紅色嘅Afterglow甜度十足！酒味唔濃，岩晒我呢D唔太飲得太烈嘅人，但飲落喉嚨有熱感，feel到唔係流野！朋友嘅ripple味道酸D，但一樣係酒味唔會太濃，易入口！呢杯Feel到喉嚨比afterglow更熱，酒嘅濃度明顯高D。雞翼三重奏真係好出色，特別係蜜糖芥末同埋水牛城雞翼，味道好出！好適合Share黎食！鐵牌烤牛配墨西哥餅超級好食！係我全晚嘅最愛！首先牛真係好夠味好香，分量又好多，就咁單食就已經好正。加埋3種醬同埋配菜，夾落餡餅度又係另一番風味！酒吧餐廳有呢個咁高嘅質素仲要係呢個價錢真係大滿足！完全唔夠喉！豬手好脆口！份量亦都好多，3-4人 share都好足夠！肉質嫩滑！估唔到有得配薯條同埋蕃薯條！芥未醬好香！酸菜係爽口個type，酸度足夠，解膩。不過個人偏向冧身個種酸菜多D。