Video
Read full review
2018-05-15
282 views
上次食完沙嗲王話下次黎要試下個白咖喱雞扒飯，終於黎左！下午茶時間到，餐廳入面都幾多人，一坐低就落左單先。雖然menu有寫話哩個飯製作需時，但以為十分鐘內都有得食，點知等左都差唔多成廿五分鐘遲過我入黎既人食完走埋添啦！不過，預左等就算啦～終於等到佢黎！講真，其實無咩期望，淨係想食白咖喱，但係拎起把刀切雞扒果陣，我發覺我錯了！menu上話即叫即燒，係真嫁，無花無假點解咁講？當我切開塊雞扒果陣，啲煙開始冒出黎，仲有好多肉汁流出黎，果一刻我覺得咁有誠意，即叫即燒，等廿五分鐘係值得既。重點係雞肉燒既時間啱啱好，保持到肉汁、肉質仲好鮮嫩肉質嫩滑，唔洗點咬就開左，食落仲有好熱，好味(我食到第二塊雞扒果陣，切開塊皮佢仲冒緊煙，真係不得了！)唔好以為個雞扒得兩塊仔，其實份量都幾多。雞扒切開雞皮之後，只有少少脂肪，唔會好多，食落啖啖肉，好滿足不過，雞扒本身就無咩味，對淡口味既我黎講唔成問題既，肉質鮮嫩多汁、即燒哩兩點我已經好滿意雞皮好唔好食我就唔知啦！不嬲食咩都走皮既，但見到燒到都幾香，皮下脂肪都好少。白咖喱一如既往，唔太辣、甜甜地，好好送飯。本身想食一半飯就收手，但因為咖喱撈飯真係好正，就全碟洗左
下午茶時間到，餐廳入面都幾多人，一坐低就落左單先。
雖然menu有寫話哩個飯製作需時，但以為十分鐘內都有得食，點知等左都差唔多成廿五分鐘
遲過我入黎既人食完走埋添啦！
不過，預左等就算啦～
白咖喱即燒雞扒飯
$49
36 views
0 likes
0 comments
終於等到佢黎！
講真，其實無咩期望，淨係想食白咖喱，但係拎起把刀切雞扒果陣，我發覺我錯了！
menu上話即叫即燒，係真嫁，無花無假
點解咁講？當我切開塊雞扒果陣，啲煙開始冒出黎，仲有好多肉汁流出黎，果一刻我覺得咁有誠意，即叫即燒，等廿五分鐘係值得既。
重點係雞肉燒既時間啱啱好，保持到肉汁、肉質仲好鮮嫩肉質嫩滑，唔洗點咬就開左，食落仲有好熱，好味(我食到第二塊雞扒果陣，切開塊皮佢仲冒緊煙，真係不得了！)
唔好以為個雞扒得兩塊仔，其實份量都幾多。雞扒切開雞皮之後，只有少少脂肪，唔會好多，食落啖啖肉，好滿足
不過，雞扒本身就無咩味，對淡口味既我黎講唔成問題既，肉質鮮嫩多汁、即燒哩兩點我已經好滿意
雞皮好唔好食我就唔知啦！不嬲食咩都走皮既，但見到燒到都幾香，皮下脂肪都好少。
白咖喱一如既往，唔太辣、甜甜地，好好送飯。本身想食一半飯就收手，但因為咖喱撈飯真係好正，就全碟洗左><
不得不提，每次黎食，白飯都好熱、仲出緊煙，米飯軟屬飽滿，唔會好似其他餐廳咁，食落又凍又硬
野食緊係熱先好食嫁啦！
雞扒係即燒，不過唔係直接用鐵板去燒。因為雖然係跟鐵板上，但鐵板唔油，啱曬怕油膩既我。
仲有小量什菜中和返罪惡感，好貼心
啱香港人口味既咖喱拌熱辣辣既白飯，加上鮮嫩多汁既雞扒一大啖放入口，好正！！好快就清碟，食緊果陣我個腦飄出一句「肥都值」就知幾正啦！
以後黎沙嗲王，我唔食豬扒啦，雞扒會是我的首選
Post
