Video
Read full review
2020-09-24
919 views
今晚到我想打尖!本來今晚係要煮飯既，但今日我唔記得帶飯，男人明天又唔洗帶，反正又想罷工就出去食啦！ 諗左一輪，決定去脆意雞食! 去到，男人未到我就周圍行，行到櫻拉麵，見到無人即刻同男人講要轉plan! 我唔容許一間咁好食既小店無人!So far去左幾次，每次都有驚喜! 廣島生蠔拉麵 $75我就睇都唔睇就話要呢個，因為試過好好食，今次既蠔都係肥嘟嘟，好甜! 75蚊有3隻，個拉麵...我食得出廚師既用心，因為我地每次叫既兩碗麵個湯既咸度同濃度會因為個配餸有所唔同!好明顯我呢碗係咸同濃過之後講個碗~ (其實我仲諗住懶唔影，但下一碗出場我即刻放低我對筷子XD)藍鰭吞拿魚腩大蔥拉麵 $138真係每一次黎都有驚喜! 佢地先放低魚子，大蔥，一舊我地望左幾眼但又唔知想點既野，結果當廚師攞碗麵出黎仲有火槍... 廚師先攞支針串起燒個魚油，個下真係眼都凸埋! 係真係燒佢，迫尐魚油既香落碗麵到... OMG! 之後仲要再燒埋個幾塊吞拿魚腩，我望住真係覺得好開心! 廚師教我地先飲個湯，再撈少少再飲，然後先撈埋哂食! 我食個片微燒過既腩，嘩~幸福到即刻send俾幾個老友! 呢個湯係比較淡，但唔會搶左吞拿魚腩，食
本來今晚係要煮飯既，但今日我唔記得帶飯，男人明天又唔洗帶，反正又想罷工就出去食啦！
諗左一輪，決定去脆意雞食! 去到，男人未到我就周圍行，行到櫻拉麵，見到無人即刻同男人講要轉plan! 我唔容許一間咁好食既小店無人!
So far去左幾次，每次都有驚喜!
廣島生蠔拉麵 $75
我就睇都唔睇就話要呢個，因為試過好好食，今次既蠔都係肥嘟嘟，好甜! 75蚊有3隻，個拉麵...
我食得出廚師既用心，因為我地每次叫既兩碗麵個湯既咸度同濃度會因為個配餸有所唔同!
好明顯我呢碗係咸同濃過之後講個碗~
(其實我仲諗住懶唔影，但下一碗出場我即刻放低我對筷子XD)
藍鰭吞拿魚腩大蔥拉麵 $138
真係每一次黎都有驚喜! 佢地先放低魚子，大蔥，一舊我地望左幾眼但又唔知想點既野，結果當廚師攞碗麵出黎仲有火槍... 廚師先攞支針串起燒個魚油，個下真係眼都凸埋! 係真係燒佢，迫尐魚油既香落碗麵到... OMG! 之後仲要再燒埋個幾塊吞拿魚腩，我望住真係覺得好開心!
廚師教我地先飲個湯，再撈少少再飲，然後先撈埋哂食!
我食個片微燒過既腩，嘩~幸福到即刻send俾幾個老友!
呢個湯係比較淡，但唔會搶左吞拿魚腩，食落好和諧~
杉板燒牛舌 $32
你問我，呢個就有少少失望既，因為我地之前食過牛舌拉麵，好好食! 但呢個偏乾身，但唔柴， 只係我會希望好似個拉麵個次咁，但佢都juicy架，只係我個人唔鍾意(鍾意香口既，比較硬身既會鍾意)
其實我仲好掛住個海膽蟹餅架，但又想試其他麻，下次應該都會返去蟹餅懷抱XD
Post
