S2 Kitchen (Moved) New Location

威靈頓街都有個間日式居酒屋，一樣非常有日本風味，外面有好多紅色燈籠，好有趣，好靚。入面都相當熱鬧，見佢客似雲來就知道相當可靠，絕對唔會中伏。安排咗個位置，坐落都好舒服，唔會覺得逼。可能太耐無食日本野連杯茶都覺得好飲d😂話都無咗快道送嚟第一個菜式，係頭盤，係海膽杯，另外嗰個係牛油果沙律。海膽杯入面用料十足，用料新鮮。跟住道芝士年糕，成個蛋糕咁嘅款，但仍然保持住年糕嘅口感，當然味道亦係一等一，無得彈。呢個係火燒帶子卷，非常美妙，威力係由視覺去影響我嘅味覺，見到就已經流口水。睇佢平平無奇，其實係雞翼包鮑魚，仲透出淡淡嘅清酒香味，食落新奇又有趣，味道配合亦一絕。睇下上面d海膽，魚子，多到滿瀉，絕對唔孤寒，幾有誠意。呢個菜，相當有趣，先唔講乾冰效果令到好似仙環咁靚。佢係蒟蒻麵，入口相當滑溜，食過呢個麵翻唔到轉頭，唔想再食其他麵。最後一個海膽雪糕做收尾，為豐富嘅一餐做收尾，海膽膽雪糕同樣入口即溶，刺激著口里每一個味蕾，非常滿足。