林洪記水產

Open Now

Now Closed

衛生程度：張櫈充滿上手食物殘渣之餘，只係輕輕揭咗一下個menu，啲手指即刻變咗啡色。建議帶一卷紙巾去抹過哂啲餐具同枱櫈先好食。（利申本身冇潔癖）食物質素：海鮮全部唔新鮮，特別蝦類啲肉係霉霉地。只有蔬菜類係ok。服務態度：鋪面本身已經好細、啲位勁窄，我哋9個人，本身俾咗5張二人枱拍埋，其實都係僅僅夠坐。之後喺間鋪加埋得返4個位嘅情況下，店員話有group 7人等緊，問我哋可否坐逼啲讓返一張枱俾佢。我哋反問咁我哋9個人點坐8個位，同埋枱面啲嘢可以擺邊。之後佢直接冇回應，嬲豬西面走開咗。兩舊幾水其實好多選擇，今鋪真係貼錢買難受。