佳記甜品 (Moved) New Location

之前一直去開總店食，今晚第一次黎呢間分店，感覺差不多。假期晚上好多人，店員姐姐例排態度差。最想食榴槤糯米卷又無，好似成日都無貨！雞翼尖：個汁好辣，雞翼唔入味，可能太多 order 了，醃既時間太短。豬皮蘿蔔魚蛋：豬皮吸晒咖哩汁好鬼辣；蘿蔔就無味；魚蛋好實，好難食。腸粉：小食中只有腸粉好食，夠滑lulu。熱薑汁燉奶：薑汁味太少了！燉蛋質感硬左d，食落好 “流”。B 仔船：雪糕夠凍好味，但生果就唔甜！食完好飽，但沒有滿足既感覺，因為味道實在差！