Video
Read full review
2021-06-18
51 views
尖沙咀厚福街一向都係唔同種類料理既聚居之地，最特別就係有別於北京道個度比較奢華既價錢，響厚福街又有平民既茶餐廳﹑亦有樓上既Fine Dining，亦有著名既甜品鋪或日式放題等等，今晚小編就帶大家黎到呢個福岡漢堡扒，解釋下點解又玩得又食得吧!首先唔好理點解餐廳名為"福岡漢堡扒"，明明係日本既地方名，但就選用韓國既燒烤方式，然後再用澳洲既和牛漢堡扒製作菜色。呢種違和感未入去餐廳已經覺得好得意!餐廳基本上以漢堡扒及丼飯為主要推廣菜式，而枱上既餐紙都簡單介紹漢堡扒既製作方法：漢堡扒以生肉奉上，然後你就需要逐小切成你鍾意既漢堡扒形狀，再放上石頭燒熟，生熟程度完全由你去幾時翻動漢堡扒而決定。基於有得玩有得食既元素，小編就當然點選了可以即燒，又有得即食既芝士蛋和牛漢堡扒(L) ($125)啦! 大中小尺寸既分別就係肉量會以每30g增加，而每級份量既價錢只係差$10，所以計下計下，都係以L尺寸為最抵食吧!點選菜式後，因為漢堡扒餐關係，店員會即刻奉上麵豉湯及沙律；隔10分鐘後，漢堡扒終於出場喇!為左令場內既油煙減低，每枱都會有個獨特既抽風口，方便你將石頭直接對正抽風口! (不過其實我見都有唔少客人食食下
首先唔好理點解餐廳名為"福岡漢堡扒"，明明係日本既地方名，但就選用韓國既燒烤方式，然後再用澳洲既和牛漢堡扒製作菜色。呢種違和感未入去餐廳已經覺得好得意!
餐廳基本上以漢堡扒及丼飯為主要推廣菜式，而枱上既餐紙都簡單介紹漢堡扒既製作方法：漢堡扒以生肉奉上，然後你就需要逐小切成你鍾意既漢堡扒形狀，再放上石頭燒熟，生熟程度完全由你去幾時翻動漢堡扒而決定。
基於有得玩有得食既元素，小編就當然點選了可以即燒，又有得即食既芝士蛋和牛漢堡扒(L) ($125)啦! 大中小尺寸既分別就係肉量會以每30g增加，而每級份量既價錢只係差$10，所以計下計下，都係以L尺寸為最抵食吧!
點選菜式後，因為漢堡扒餐關係，店員會即刻奉上麵豉湯及沙律；隔10分鐘後，漢堡扒終於出場喇!
為左令場內既油煙減低，每枱都會有個獨特既抽風口，方便你將石頭直接對正抽風口! (不過其實我見都有唔少客人食食下都忘記左對正抽風口，攪到個環境都幾大陣油煙味)
L尺寸既漢堡扒都幾大份，基本上小編用垂直既切割方式去分開，都可能整到8-9件左右。而製作個陣小編就大約6-8秒就翻1次，基本上底面都煎左6-8秒後都已經接近7-8成熟喇! 所以煎個陣都記住要睇實塊扒熟既程度呀!
和牛漢堡扒既肉質由於已經完全攪碎，所以最主要都係享受佢既油脂感，可能係因為和牛既質素，所以煎出黎好香口而唔算太油膩。對小編黎講份量就差唔多，但如果男士食有機會肉量未必完全足夠拌飯，所以建議好似小編咁有埋鐵板蛋作伴一齊食。
綜觀黎講，餐廳內坐位算多，雖然人與人之間既距離都幾近，但因為每人都有自己既抽風口製作漢堡扒，所以都唔會話有太多郁動而影響對方。同時響煎既過程都充分俾你認識煎漢堡扒既技巧，都係玩得又食得既滿足體驗吧!
Other Info. :
記得如果發覺石頭開始涼而唔太煎到個陣，就要叫店員幫手換過舊呀! 同時記得每煎完一塊都要用鏟清走上面既碎先放過一塊新既。
(The above review is the personal opinion of a user which does not represent OpenRice's point of view.)
Post
