沐白小農 (Closed)

今日約左人荃灣打波，班波友叫我買定D飲品，我即刻諗起之前試過嘅呢一間「沐白小農」🤗呢間小店，賣嘅飲品多元化，但係最令我欣賞嘅係佢哋嘅幾款招牌飲品，平均都係廿零蚊杯👍🏻招牌黑糖波霸奶茶，更加係限量供應，佢哋堅持全部都係採用天然蔗糖，和採用優質鮮奶，糖漿都係採用天然桂圓糖漿，即係話全部無人工添加劑，飲得更加健康👍🏻呢杯招牌嘅「黑糖波霸奶茶」，記得要搖勻先至飲，聽講話咁樣會樣本來熱飲嘅波霸遇冷後會變得特別Q彈，我當然會乖乖地跟着做，果然飲落好過癮，入口又會彈彈下，不愧為招牌飲品😋一個人拎住三杯返去比D波友嘆，包裝穩陣又唔會倒瀉，好細心嘅服務🤗仲有呢杯「竽頭X小農」係用精選嘅芋頭和優質先來所製成，記得飲之前一樣要搖勻，呢杯芋頭味真係好香，同奶味真係好夾，正！鍾意飲咖啡嘅朋友我就推薦呢杯珍珠紅茶拿鐵☕️好味仲可以因應你嘅個人需要，少甜或者少冰，下次離開荃灣一定要試吓，冇介紹錯㗎😬