華嫂冰室 (Moved) New Location

華嫂冰室應該好少人無聽過，我平日次次去都要等一陣，聽講星期六要等好耐添！好多人推介番茄湯底既麵食，可能我麻麻番茄，唔會特別中意食，所以我唔覺番茄底好好食，對我黎講都係正常野。而個雞翼就好好味！又好入味，我好中意食🤤🤤🤤個菠蘿油又真係幾好食，好香好脆！亦都好好好好肥！個芝士咸牛肉蛋豬仔包都好得 好好食！麵包外皮香香脆脆，咸牛肉夠味好食，下次去會再叫呢個包😆😆😆另外，個奶茶都好濃好香，我幾中意。但朋友話佢杯咖啡唔係幾好飲。