錦麗 (信德中心)

Open Now

Now Closed

由澳門搭船返港，以前就會食澳門茶餐廳，宜家冇咗啦，行多幾步見到“錦麗”越南餐廳，唔錯，肚餓醫肚至啱。點咗個推薦嘅"火車頭粉"，貪佢够大堆頭，有5款配料: 佢哋係牛筋,牛丸,牛腩,扎肉，穀飼肉眼，湯頭清甜滋潤，牛丸够彈牙，牛筋够筋道，樣樣都好perfect，可以揀粉食，揀咗金邊粉；錦麗生牛肉粉被Wall Street Journal譽為胡志明市最好吃牛肉粉，又點可以唔試呢？呢個就揀咗河粉，帶點粉紅色的牛肉係好吸引，但都係焯熟少少先食，啲湯底真好鮮甜，飲多幾啖先。由於嗌嘅係套餐，可以加小食，每份27蚊，嗌得多又減啲，最多嗌3樣，本來嗌3樣要81蚊，由於嗌得多減得多，因此最後3樣只要62蚊，勁抵👍🏽以下就係我哋點嘅小食，有“紫薯春卷”，“家鄉魚餅”，“椰青·斑斕椰汁糕”，“金絲網蝦春卷”，“越式蔥油雞翼”和“越式蔗蝦”，紫薯春卷第一次食，有驚喜，超好食，斑蘭椰汁糕好靚，一白一綠兩個心型；加32蚊嘅新鮮椰青好飲解渴，有提供小匙羹挖椰肉，飲得開心食得開心。