Video
Opening Hours
Today
07:30 - 21:30
Mon - Sun
07:30 - 21:30
Public Holiday
07:30 - 21:30
Above information is for reference only. Please check details with the restaurant.
同朋友喺港澳碼頭搭船出發去澳門玩，上船之前決定喺信德中心醫飽個肚先！經過發現原來錦麗喺信德中心都開咗分店，餐廳座位闊落舒適，睇嚟食返碗越式湯河先再上船，都係一個唔錯嘅選擇～酥炸軟殼蟹撈檬💰HK$78軟殼蟹外層炸到酥脆可口，內裡嘅肉質仍然保持柔嫩！檬粉口感順滑，能夠好好吸收醬汁嘅味道～錦麗牛丸粉💰HK$74麵底簡咗金邊粉，口感順滑得來帶有彈性！牛丸肉味香濃，而且爽口彈牙，味道出色！湯底亦係成碗粉嘅精華所在，每一啖飲落去都係清甜嘅牛肉香味，令人齒頰留香～特色小食拼盤💰HK$79有金絲網蝦春卷、越式蔗蝦、法式蒜蓉牛油雞翼同埋香茅豬扒！可以一次過品嚐哂咁多款越式小食～馬拉盞醬時蔬💰HK$42通菜質地柔嫩，配搭惹味嘅馬拉盞醬，令人食慾大開～鹹檸檬青檸梳打(凍)💰HK$38結合咗鹹檸檬嘅酸鹹味、青檸嘅清香同埋梳打水嘅氣泡感，整體味道非常清爽～玫瑰龍眼茶(熱)💰HK$28淡淡嘅龍眼香甜味再加上玫瑰嘅花香，感覺好養生～
continue reading
我嘅老友，上次食過這間越南餐廳🍴⋯⋯念念不忘還要帶埋我去試😏⋯⋯今次嚟到上環，因為我哋住喺港島所以方便啲⋯⋯原來佢都有好多間分店嘅😬⋯⋯餐廳非常整潔，而且都坐得幾舒服！香茅咖喱豬扒飯咖喱汁非常濃稠，而且好香咖喱味⋯⋯滿滿的椰香味！帶點微辣！非常香滑！豬扒鮮嫩多汁！最鍾意佢嘅香茅味道好出！火車頭河粉有穀飼肉眼、牛筋、熟牛肉、牛丸及扎肉⋯⋯材料非常豐富！而且品質都唔錯！牛筋仲好大條㖭啊！湯底仲好好味添⋯⋯可能係用牛骨湯熬湯，所以特別香濃！越式蟹.肉餅蕃茄湯檬粉蟹肉餅有兩件，而且都幾大件啖啖蟹肉，非常鮮味！鮮蕃茄湯底非常濃郁！好香甜！豆腐卜吸收晒湯底超好味！仲有我最愛嘅扎肉添！絕配油炸鬼油炸鬼喜出望外，香脆可口！熱辣辣！越式蔥油雞翼原本想食牛油雞翼，但係已經沽清！不過蔥油雞翼都好好食⋯⋯越式蔗蝦越式料理點少得佢！彈牙鮮甜！家鄉魚餅魚餅都好鮮味！越南滴滴咖啡咖啡味非常香濃！夏日炎炎點少得凍飲🥤清甜甘蔗汁凍美祿
continue reading
原來信德中心三樓都有野食，不過應該新裝修，餐廳都係得一兩間選擇～見到廣告牌話呢間係米芝蓮餐廳，望落幾吸引，所以試下～生牛肉湯河呢個係招牌菜，要點～湯底係牛肉湯，再加埋好多洋蔥、蔥，鮮甜但唔會有味精湯嘅感覺，生牛肉浸到啱啱熟，仲有三四塊，份量都唔少～越式蟹肉餅蕃茄湯檬粉好多評論話呢個好食，又嗌咗。蟹肉餅份量都多，有三舊大小係不規則嘅蟹肉餅，好易夾散，睇得出蟹肉好足。個檬粉似瀨粉同米線mix埋嘅口感，不過最重要嘅湯底就好普通，冇乜蕃茄味～椰汁紅豆冰超級重椰汁味，同成罐椰汁倒落去冇分別，好滯好膩，飲完成個胃都頂住，好辛苦，不過啲紅豆係大粒好食嘅，但胃唔好嘅朋友慎重選擇。
continue reading
今日岩岩坐完船番黎香港，已經好肚餓，朋友即刻拉左我黎到離境大堂隔離既越式餐廳，裝修睇落四正，又有卡位，一於慢慢吃個湯河抖下先！錦麗生牛肉湯河粉，介紹話佢係Wall Street Journal譽為胡志明市最好吃既牛肉粉，名副其實！先講湯底，濃郁既牛骨香加上各種香料，好有層次，味道好清甜，係老火湯甘好飲！吃既時候可以加埋豆芽，九層塔，青檸汁，辣椒入湯底，會成為另一隻味道，好神奇！而河粉好彈牙，牛肉分量都唔少，怪唔得係最好賣既牛肉粉了！越式蟹肉餅蕃茄湯檬粉好正好特別！先講湯底，好濃郁既蕃茄味，亦都好鮮甜！配上滿滿的蟹肉餅真係好正，鮮上加鮮！蟹肉餅好足料，見到一絲絲既蟹肉條，不過比較易散開，食既時候可以用匙羹連湯一齊食，正！同時亦配有扎肉，豆卜，蕃茄等，而檬粉彈牙而掛汁，整體好高質！特色小食拼盤包括有金絲網蝦春卷、越式蔗蝦、越式蒜蓉牛油雞翼、香茅豬扒。春卷金黃色既網皮包住爽彈的蝦肉，配上租辣醬好惹味！越式蔗蝦係將蝦滑包係甘蔗支上面製成，味道甜甜地好香口！雞翼同豬扒都做得唔錯。惹味牛肉法包，用左自家製豬肝醬配蛋黃醬，甜甜地都幾可口。配料有大量烤牛肉，肉鬆，酸蘿蔔，青瓜，青蔥，芫茜同青椒，法包既香脆加上甜甜地既蛋黃醬，大量配菜，依個配搭都幾用心，食落好有層次而感覺又幾清新！唔錯！整體黎講好滿意，最緊要野食正環境正，慢慢坐慢慢嘆，生活就係要甘寫意架麻！下次黎要再食佢個湯河！太正！
continue reading
位於上環信德中心嘅錦麗餐廳，以其每日熬煮23小時嘅牛骨牛肉湯底而聞名！仲係2023年同2024年打入米芝蓮推介！咁出色，一於試下佢嘅招牌菜品風味餐廳嘅裝潢簡約而不失雅緻，營造出一種舒適愜意嘅用餐環境首先品嚐咗生熟牛肉粉，湯底濃郁，牛骨精華完全融入湯中，帶有自然嘅甜味粉條彈牙，搭配生牛肉片，肉質鮮嫩，熟牛肉則軟滑入味，整體口感層次豐富接住係火車頭粉，呢道菜品嘅豐富配料令人驚喜肉眼嘅油脂分佈均勻，咬落去時口感滑嫩，牛筋有獨特嘅Q彈感，扎肉嘅香氣四溢，熟牛肉更添風味，搭配牛丸嘅彈牙口感，令整碗粉嘅滋味更加豐滿湯底依然保持住深厚嘅牛骨精華，好飲到想乾晒佢呢餐後甜品方面，班蘭椰汁糕嘅清香與椰香交織，口感柔滑，唔會太甜，不錯而椰子沙冰則清涼消暑，細膩嘅沙冰配上椰子嘅天然甘甜，好refreshign！椰汁紅豆冰，紅豆淋度得剛剛好，配上椰子汁，甜而不膩，完美值得encore 的一間米芝蓮平民餐廳❤️
continue reading