新都會大酒樓 (Closed)

尋日同阿爸，阿媽＆男友去飲茶，我見好耐都無幫襯哩間酒樓，咁就去下喇，加上果個時候間間酒樓都好full．等咗十五分鐘都已經有位，我地坐係三樓，隔離間大房有公司開party，所以就極之吵，救命！哩間咁既酒樓都會有人要訂定位，一般貨色之嘛，素未謀面既，個服務態度就有ｄ問題（叫咗茶十五至二十分鐘先到，要吹先至有，叫佢地加位就等同要跪地求佢，個樣極之唔滿意）；熟客既就唔使叫，都自動行去喧鬧一番，唉！加陣我地個樣似無錢俾咩，ｄ野又唔係好食過人地果ｄ姐．我地叫咗一個菜遠雜菌伊麵：都okey，柴魚花生粥：味道唔錯，燒賣：唔夠實正，豆苗蝦餃：還可以，XO醬炒腸粉：哩個唔錯，蒸义燒腸粉：又係一pet pet，流沙包：都唔流既，馬拉糕：幾好食喎，皮蛋釀炸蝦餅：都幾好味，but凍晒！如果岩岩煎就會好ｄ．埋單：HK$243．在此，多謝阿爸請飲茶．