麥當勞

Open Now

Now Closed

尋晚14-10-2011(Fri),男友放工後過o黎,佢o係o度買雙層黑椒漢堡,牛油粟米同可樂做晚飯,o黎到打開睇睇,啲汁多到漏晒出o黎,好論盡,影完相食喇,佢都唔用手拎住o黎食,用食粟米o既膠匙’切’開一件件食,我都試吓,唔辣o既,牛肉漢堡依照冇肉汁,乾o既,啲汁o係淋上去o既黑椒汁,配料就只有洋蔥粒,重要係食唔到洋蔥味,牛肉漢堡亦都冇牛肉味,呢個比普通漢堡更差.而牛油粟米呢?男友一早將牛油倒o左入去冚返蓋,食完漢堡就食佢,點知一啲牛油味都冇,粟米亦唔甜.我就加之前o係大家樂食早餐冇用到o既牛油,先至有返啲牛油香.男友話麥當勞o既牛油真係冇味.