大本瀛日式放題

Open Now

Now Closed

一班人聚餐的時候, 最怕就係要唸吃乜嘢，人人口味各有不同，於是放題就成為最方便的選擇。今次由朋友選定呢間位於兆萬中心的放題餐廳，座位都算闊落，唔會好似某D放題餐廳一樣為求入客就將座椅擺到密密麻麻，完全聽到曬隔離檯的八卦。放題吃到宜家，老實講其實間間的餐牌都差不多，刺身、壽司、炸物、鍋物、各類小菜、熱葷、甜品，當菜單沒什麼可比性的時候，咁其實比的就是食物的質素和員工的服務了。我地7個人，吃咗好幾輪，上菜同收碟都快，基本亦沒甩過單，除非甩咗我地沒發現，值得一讃。食物味道亦都ok，刺身大多數比較新鮮，不過個人覺得甜蝦麻麻，凈係吃咗一隻。炸物熱辣辣，炸粉唔會太厚，最重要唔會一上檯就出油。食物點咗好多，不過只有第一輪影咗幾張相，一開始開動之後就沒停低過再影相。大圍坐得舒服吃得開心傾得暢快係最大的重點，呢間放題都可以做到，下次人多都可以繼續考慮。