梨花園 (Closed)

三個師奶(我.媽咪.阿姨)去shopping,一個想買鞋,一個想買衫,我就無咩特別想買行來行去都無咩收穫,又累又餓,係時候搵食,阿姨提議去foodcourt可以有多d選擇好在係閒日下午茶時段,唔太多人,唔使霸位,可以大家一齊搵食,行左一圈,媽咪.阿姨都十五.十六唔知食咩好,我就決定食炒粉絲,佢地見我食呢度先下決定都食呢度,佢地就買左個人參雞粥大家一齊食炒粉絲~眾多粉麵中最愛粉絲,由其是韓國粉絲,好鍾意佢的質感,呢度的都炒得唔錯,有質感,但應是大量炒定,即食都係涷涷的,而且配料應不是一起炒,只是放在粉絲上,不過食味都ok的人參雞粥~好大的一鍋,有成隻雞,不過隻雞都幾鞋,同意下面所講,的確無咩參味,特登拿支人參來食,都食到有淡淡的甘味,不過粥就無...但算啦,幾十蚊有一大鍋粥仲有成隻雞配埋泡菜飲品,係咁上下啦大家都食到好飽,師奶們再行下citysuper,估唔到收穫甚豐,又話買鞋買衫!!結果買左一大堆食物.....