港式茶餐廳 (Closed)

年初三約咗人响中環等，因為開門而又有位嘅食店唔多，結果行行吓就入咗lee間鋪。隔局好似翠華，而價錢亦唔平，絕對唔係茶餐廳收費。D呀姐服務態度好唔掂，明明有"吉"枱都硬要人撘枱，又十問九唔應。我叫咗碗"瑤柱珍珠雲吞麵"，雲吞細細粒，湯底係白色不過完全係冇味，麵身煮得大淋，唔好食。朋友則叫咗碗"XX牛腩河"，我見碗粉碎溼溼，朋友亦話差。以咁嘅價錢我相信有大把荼記好過佢，真係試一次已經足夠。