嚐越 (Closed)

放工等媽媽探完公公又去左葵芳食飯。行行下見到呢間唔駛排隊，又有套餐，就入去試試吧！晚市二人套餐，睇睇下都係覺得唔太岩食，所以都係散叫。散叫其實都唔駛諗好耐，因為得好少選擇。個碗大，其實份量得好少，個底全部都係菜。我地三個人食一人應該食得2-3隻到。唔覺有咩檸汁，普通酸辣鳯爪。好就好在去左骨，食起上黎方便。媽媽鍾意食粉包，所以叫左一碟。但我自己唔食，所以唔知咩味，不過媽媽話ok，個皮唔會太韌。熱辣辣上菜，但汁太多，搞到個麵大部份都淋左，好彩我快手，拎起一部份仲脆既先。個汁非常惹味，一人可以ko一碟(因為份量少到真係一個人食得哂=.=)。牛柳柆太重黑椒味，食唔到牛味，不過都嫩滑。仲有紅黃椒、蕃茄都好味。洋蔥就差少少，唔夠熟。個麵食到差不多一半先上碟菜，佢既上菜速度奇慢。全餐最大碟就係呢碟，炒菜都好難唔好食，成$60碟架！都係普通茶餐廳貨色，炒得比較油。