HABITŪ all day (Closed)

以前食過感覺不錯，今次見裝潢設計變高級了，餐牌都轉了，抱住好大期望再試，點知最後真係好失望。兩人叫了兩個dinner set，一個軟殼蟹意大利飯，一個漢堡。先來餐湯，好濃味，但味道一般，飲完口好渴。軟殼蟹意大利飯一啲都唔香，亦無乜味，而且係用珍珠米同藜麥整，加紫菜係上面，感覺好奇怪，似食日本菜多d，好聽d可以話佢清淡同健康。漢堡睇落好似好靚好好食，食落個漢堡扒好un好乾，薯條根本就是麥當勞買回來的吧，根本一樣，完全唔值。甜品真係大伏，揀左奶凍同士多啤梨玫瑰mousse。奶凍面頭放了一堆好重香料味的果仁什麼之類的，根本完全唔夾，食左一啖已經頂唔順。士多啤梨玫瑰mousse好重玫瑰香精味，似食香水多過食蛋糕。