Video
Read full review
2008-06-11
6 views
去迪士尼度生日,第一次住埋酒店,房間真係靚到絕,全間酒店都好靚!預訂酒店同時訂埋早餐,有特價,$120一位o係大廳....見夜晚已經o係翠樂庭食,就試下依間啦...貪佢環境優美又有落地玻璃....點知....我地兩個都係爛訓人...見酒店房內介紹大廳早餐到11:00....我地就10:20先入餐廳....點知一坐低就有個waiter話就快收早餐...佢話到10:30喎.....好無奈之餘...唯有快快取食物啦...(但係食完番房再double check一次....真係寫得好清楚11:00囉!真係好嬲! )仲有...一坐低個男waiter就問我地飲咖啡定茶...我地已表明想食完先飲....但佢都係不停格幾分鐘就問一次....到佢問第四次我唯有同佢要杯咖啡啦....後來...都係另一個女waitress醒目點....主動問我地要唔要refill....見我地杯咖啡凍晒仲識得主動換杯新的....仲換埋奶....但係點知.....當我倒奶時....發覺D奶係"瓊"到一舊舊囉.....至於食物方面....選擇真係極少.....完全唔值$120...更莫講話正價$154.....最多值$60
預訂酒店同時訂埋早餐,有特價,$120一位o係大廳....見夜晚已經o係翠樂庭食,就試下依間啦...貪佢環境優美又有落地玻璃....點知....
我地兩個都係爛訓人...見酒店房內介紹大廳早餐到11:00....我地就10:20先入餐廳....點知一坐低就有個waiter話就快收早餐...佢話到10:30喎.....好無奈之餘...唯有快快取食物啦...
(但係食完番房再double check一次....真係寫得好清楚11:00囉!真係好嬲! )
仲有...一坐低個男waiter就問我地飲咖啡定茶...我地已表明想食完先飲....但佢都係不停格幾分鐘就問一次....到佢問第四次我唯有同佢要杯咖啡啦....
後來...都係另一個女waitress醒目點....主動問我地要唔要refill....見我地杯咖啡凍晒仲識得主動換杯新的....仲換埋奶....但係點知.....當我倒奶時....發覺D奶係"瓊"到一舊舊囉.....
至於食物方面....選擇真係極少.....完全唔值$120...更莫講話正價$154.....最多值$60!
食物有雞粥(走雞),蝦皎,燒賣,叉燒飽,豉油王炒麵,方飽,牛角酥,蜜桃酥,朱古力酥,muffin,芝士拼盤,生果拼盤,穀物,乳酪.....
飲品有橙汁,蘋果汁,鮮奶,豆奶.....另加咖啡或茶....
招呼方面.....個男waiter唔掂之餘....其他的都好一般....木口木面好似未訓醒咁....渡假酒店唔係應該要帶比客人歡笑咩?淨係呃人早餐時間同結到一舊舊的奶都扣晒分
總之一句....住迪士尼酒店要食早餐....寧願比貴少少去翠樂庭....一係就唔好食....
Post