Video
Read full review
2007-07-16
3 views
去奥海城有嘢做，擇依間晚飯原因有三：1.見佢係集團，仲巴閉到尖沙咀海運都有，以為差極都有譜。2.見佢食評都唔錯。3.見佢價錢唔平，以為一分錢都有一分貨。 叫咗兩個晚餐：湯：菠菜雞肉湯。未飲過咁難飲嘅湯。阿仔話學生餐都好過佢。叫侍應收咗佢。女侍應問是否太鹹，我話唔知點講。跟住就話換羅宋湯俾我，於是我就要了一個。羅宋湯都好ＤＤ，我後來用來撈意粉食，才用了半碗。鐵板三文魚加澳州肉眼扒：三文魚變咗蝦，都冇乜事。牛扒差、差、差到爆，用嘢整到焾，食落唔知自己係食緊牛。差過二十八蚊嘅學生餐，差過茶餐廳，竟然收八十八蚊。焗野菌雞卷伴茄茸燴雜菜：又係得個名，唔覺得係焗，冇香味，包住Ｄ硬嘅紅蘿蔔片等，求求其其。不過兩個人“送”飯同意粉，都靠哂Ｄ雞肉，真係慘。理單時著西裝的男人聲大大，我以為自己去咗大牌檔。有禮貌的女侍應們服務幾好，又有笑容，是成晚嘅一點安慰。結論：1.做人唔可以懶。如果係集團式，唔可以只睇一間食評，要睇勻全港。2.睇嘢唔好睇外表。如果佢冇水晶燈、冇寬落卡位(我冇坐)，我都冇咁激氣。3.要吸收教訓。以後凡是有蒜蓉汁、燒汁、同黑椒汁擇嘅餐都避之則吉。4.做人要厚道，也要有限度。唔好就俾喊面，我
1.見佢係集團，仲巴閉到尖沙咀海運都有，以為差極都有譜。
2.見佢食評都唔錯。
3.見佢價錢唔平，以為一分錢都有一分貨。
叫咗兩個晚餐：
湯：菠菜雞肉湯。未飲過咁難飲嘅湯。阿仔話學生餐都好過佢。叫侍應收咗佢。女侍應問是否太鹹，我話唔知點講。跟住就話換羅宋湯俾我，於是我就要了一個。羅宋湯都好ＤＤ，我後來用來撈意粉食，才用了半碗。
鐵板三文魚加澳州肉眼扒：三文魚變咗蝦，都冇乜事。牛扒差、差、差到爆，用嘢整到焾，食落唔知自己係食緊牛。差過二十八蚊嘅學生餐，差過茶餐廳，竟然收八十八蚊。
焗野菌雞卷伴茄茸燴雜菜：又係得個名，唔覺得係焗，冇香味，包住Ｄ硬嘅紅蘿蔔片等，求求其其。不過兩個人“送”飯同意粉，都靠哂Ｄ雞肉，真係慘。
理單時著西裝的男人聲大大，我以為自己去咗大牌檔。
有禮貌的女侍應們服務幾好，又有笑容，是成晚嘅一點安慰。
結論：
1.做人唔可以懶。如果係集團式，唔可以只睇一間食評，要睇勻全港。
2.睇嘢唔好睇外表。如果佢冇水晶燈、冇寬落卡位(我冇坐)，我都冇咁激氣。
3.要吸收教訓。以後凡是有蒜蓉汁、燒汁、同黑椒汁擇嘅餐都避之則吉。
4.做人要厚道，也要有限度。唔好就俾喊面，我唔俾o.k. ，費事混淆視聽。(有時因為價錢唔貴，覺得合理就ok)
我未試過咁嘥錢，我要鬧自己。
Post
