伽倻韓國餐廳

今晚想同阿女喺銅鑼灣食飯，所以下午4:30已打去訂枱。點知準時去到，喺門口收銀機旁企咗10分鐘都冇人招呼。後來叫咗個侍應埋嚟，發現冇我嘅Booking。再等多五分鐘，有個好似高級少少肥肥地嘅女士，話要先執枱。佢執咗一張枱及擺咗二人位，但係又唔俾我哋坐，佢繼續執門口附近嘅令一張枱，執完之後就叫我哋坐。咁我就問點解唔可以坐入邊啲果一張枱，佢就咦咦哦哦，嗰張枱可能有三個人嚟。咁佢就恐嚇我咁講，如果你唔坐呢張，我就帶你入去要搭枱㗎喇！我覺得呢種服務態度，認真唔要得。雖然佢哋忙，都唔可以咁樣招呼客人掛。主要叫咗三樣嘢肉，牛肋骨，豬頸肉，牛筋腩煲，新鮮kimchi, 兩碗飯，加一個可樂。埋單約$940。我覺得佢哋啲價錢越嚟越貴，都食到一肚氣！啲豬頸肉完全冇味，質地又唔爽滑。每一樣都要追佢先至嚟。Fresh kimchi都係我哋將近食完先至到。雖然幫襯左呢間食店十幾20年，我諗都要搵一間新嘅取替了。非常失望。