紅茶 (Closed)

中午經過呢間紅茶，見到好多人食緊咪諗住試下，點知中左伏。叫左一個招牌泰式海南雞飯，雞肉唔算好硬，不過冇乜味，通常呢類似呢啲海南雞飯，個汁先係精粹所在，但呢間個汁唔好食。另外叫左個楊枝甘露，本身以為係一碗碗嘅糖水，點知原來係蛋糕，老實講賣相唔算差，人地畫隻兔仔裝飾都唔容易麻，個蛋糕食落一般啦，雖然有芒果味同粒粒柚子肉，食得多感覺好膩，好甜，下面啲棉花糖有啲乾硬。我覺得呢間餐廳嘅價錢又唔係特別平，可能地理位置好所以多人，不過我唔會再黎lu。