廚十三老壇酸菜魚 (譽發廣場) (Closed)

天氣開始又熱又潮濕，好想食啲辣嘢去一去濕呀。於是和男友又跑了去廚十三酸菜魚。今次去了油麻地分店。嘩！好抵呀，原來油麻地分店由中午十二點到五點，所有食品七五折。哈哈，可以叫多啲嘢食啦。我們每人叫了份酸菜魚單人套餐，男友要飯，我就要米線。小吃方面叫了一碟土豆絲，再加個酥炸無面男，很奇怪的名字，其實是炸豬扒。酸菜魚先到，一貫的又酸又麻又辣。我的配米線，男友配飯。酸菜魚分量勁多，滿滿的一碗，魚差不多有六七塊。唔！很嫩滑！還有豆芽，豆腐和勁多米線。男友配飯，所以酸菜魚裏的米線則轉成了粉絲。見到湯西面上漂着幾條菊花瓣，配搭菊花應該是幫忙清清熱氣吧。土豆絲味道酸酸的，我很喜愛，男友則嫌酸了些，但就話超級醒胃。土豆絲份量不少，但轉頭已被我們ko了。之後就是酥炸無面男，豬扒熱辣辣，帶有陣陣椒麻香，如覺得不夠辣，可以再沾些辣椒粉。其實豬扒炸得香脆可口，絕對冇得輸。最後再加個紅糖冰粉，用嚟解辣一流。冰粉貌似涼粉，但是透明的，甜甜的又清清涼涼，通常吃辣之後來碗冰粉，就覺得把所有熱氣都消滅了。男友食完都話趁而家有七五折，下星期我哋要再過嚟食多一次。