Mee...lemongrass (彩園廣場) (Closed)

早幾日同朋友傾計講開話上水都開了Mee...Lemongrass呀！我即時話可以同佢去食呀！因為之前食過喇沙、海南雞飯等好好味，所以即刻約去食啦！馬拉盞炒通菜，馬拉盞香噴噴炒得甘香，通菜新鮮加埋干煎蝦米好惹味。勁量級2-4人嘅足爆版...喇沙 ，一上枱真的超級大碗呀！好誇張海鮮鋪滿碗面有大頭蝦、原隻魷筒、帶子、青口、大蜆、蟹棒、魚蛋、雞蛋等超級豐富。湯底用壺上自己撈夠特別，而麵底是鴛鴦粉有米粉同油麵，湯底幼滑喇沙醬好香配埋海鮮好夾可提升鮮味。香煎蝦餅，好足料大大件蝦肉多汁夠厚身，煎得香脆配碟酸辣醬醬汁夠醒胃。另外新張期間飲品買一送一，我都買了兩杯回家慢慢享用。