Pheromone Dessert (Closed)

約朋友出黎吹水，揀左上次食過嘅pheromone，添佢賣相靚，又大件夾抵食。上次已想叫綿花糖甜品，今日得償所願，要了綠茶慕絲綿花堡。大大球綿花糖下有精緻嘅綠茶慕絲，口感軟滑，好濃嘅綠茶味，甜甜地又帶少少苦澀，唔錯唔錯。再叫番上次食過嘅窩夫，雪糕要了薄荷曲奇～四大塊窩夫大家share食。勁流心嘅心太軟，超濃朱古力，好正好正！！朋友鍾意香蕉甜品，要了呢個香蕉巴菲。香甜香蕉片，加曲奇雪糕，再加帶少少鹹味嘅鮮奶油，成杯巴菲甜甜鹹鹹又香滑，朋友大讚話好正。自己點了oreo木糠布甸，賣相靚靚。oreo碎取代木糠，布甸又綿又滑，沒有雪得過硬而失去口感，抵讚！同朋友開心吹水食甜品，又係滿足嘅一餐。