Video
Read full review
2022-06-20
31 views
我鍾意嘅Giovanni Pina晌北角開咗分店呀！所以上星期六就去食新店有一大片望海嘅落地玻璃以及大量花花佈置 真係好靚！好適合打卡！📸（我以前都出左條reel 環境點影都好靚！）食物方面依然非常高質美味呀！小食、主菜、甜品、雪糕都好食！🔸 蟹肉南瓜忌廉湯（$78）滿滿蟹肉！好鮮甜 ！南瓜湯好濃好滑！配脆脆香草包好味。🔸鮮青口配意大利脆包片（$188）❇️青口十分鮮嫩！好新鮮！以蒜片蕃茄白酒汁去煮，蒜香同蕃茄嘅甜味令鮮味更加突出，個汁好味到可以當湯咁飲！🔸烤八爪魚海鮮墨魚汁意大利飯（$268）❇️超級好食！大推！！西班牙八爪魚好彈牙、好鮮！廚師用火爐去燒過，好有炭火香。帶子、蝦又大又甜，意大利飯口感適中，帶少少煙韌口感，成個配搭都好完美！🔸開心果仁焗澳洲嫩羊鞍（$298）❇️羊鞍好厚、啖啖肉，烤香後再焗，肉質鮮嫩，外層灑上開心果碎，香濃惹味。🔸烤焗鱈魚柳配地中海式燴番茄（$298）❇️厚身嘅魚柳質地爽滑！切開仲有肉汁，大大啖食非常滿足！燴番茄酸酸甜甜，夾雜香草嘅味道，同魚柳好夾，開胃得嚟又唔會搶走魚嘅鮮味。🔸雲石蛋糕🔸士多啤梨/朱古力Gelato❇️叫左2款甜品share食用左意大利朱古力製成
我鍾意嘅Giovanni Pina晌北角開咗分店呀！所以上星期六就去食
新店有一大片望海嘅落地玻璃
以及大量花花佈置
真係好靚！好適合打卡！📸
（我以前都出左條reel 環境點影都好靚！）
食物方面依然非常高質美味呀！
小食、主菜、甜品、雪糕都好食！
🔸 蟹肉南瓜忌廉湯（$78）
滿滿蟹肉！好鮮甜 ！南瓜湯好濃好滑！
配脆脆香草包好味。
🔸鮮青口配意大利脆包片（$188）❇️
青口十分鮮嫩！好新鮮！
以蒜片蕃茄白酒汁去煮，蒜香同蕃茄嘅甜味令鮮味更加突出，個汁好味到可以當湯咁飲！
🔸烤八爪魚海鮮墨魚汁意大利飯（$268）❇️
超級好食！大推！！
西班牙八爪魚好彈牙、好鮮！廚師用火爐去燒過，好有炭火香。帶子、蝦又大又甜，意大利飯口感適中，帶少少煙韌口感，成個配搭都好完美！
🔸開心果仁焗澳洲嫩羊鞍（$298）❇️
羊鞍好厚、啖啖肉，烤香後再焗，肉質鮮嫩，外層灑上開心果碎，香濃惹味。
🔸烤焗鱈魚柳配地中海式燴番茄（$298）❇️
厚身嘅魚柳質地爽滑！切開仲有肉汁，大大啖食非常滿足！燴番茄酸酸甜甜，夾雜香草嘅味道，同魚柳好夾，開胃得嚟又唔會搶走魚嘅鮮味。
🔸雲石蛋糕
🔸士多啤梨/朱古力Gelato❇️
叫左2款甜品share食
用左意大利朱古力製成嘅gelato 超香濃，甘香唔會太甜，另外仲有開心果口味，食完好想再食多杯！
Post
