八月堂 (Closed)

開咗一段時間，終於有機會嚟試，初初開做緊買五送一，可以慳少少啦。去到要排隊，等十個人左右，夠哂時間揀定口味。鋪頭用玻璃櫃放麵包，只有店員可以夾，唔俾自己揀，避免破壞賣相。每個包睇落都賣相滿分，真係好難揀。首先有例牌海鹽焦糖，要平衡甜同鹹味唔係咁容易，佢做得恰到好處。然後有朱古力味，有質素但比較甜。香蔥味噌做牛角包幾神奇，食落幾夾，不過好油膩。雪花檸檬最好味，香甜得嚟唔會過份，面頭仲有脆糖，滿足口感。明太子係獨特啲嘅口味，鍾意嘅話會覺得幾好食。香濃起司就重口味啲，增肥適用。總括嚟講都幾好味，稍為可惜係冇地方即食。