AFTER TEN (Closed)

今日路過元朗教育路，發現到一間之前都無乜點留意既cafe，見入面幾靚又唔洗等位，就入左去試下啦係門口見到白雪雪裝修，好relax入面既風格都係用白色同木枱櫈，好光猛，令人望落好精神而且廚房好開揚，一入門口就已經聞到陣陣咖啡同野食既香味呢間cafe除左咖啡，野食款式都唔少，意粉、沙律、意大利包等等都有。今日試左黑松露雜菌意粉，一上台已經聞到好香好重松露味，上面亦見到唔少松露碎，一啲都唔孤寒食落好香，意粉夠乾身彈牙，調味得好足，不過食到底見到有好多油。呢個係我中意After Ten既主因，applecano黑蘋果，一杯咖啡garnish到好似杯cocktail咁，勁有心思味道亦對得住佢個外表，有蘋果酸酸甜甜既味道，但又唔會cover左咖啡陣味，要形容既話就好似飲緊酸味好出既咖啡，不過呢個果香更出、有少少甜味點綴，更上一層樓