恆香冰室

Open Now

Now Closed

過曬食晏時間本來諗住食tea算數，經過呢間餐廳見佢多卡位好似幾好坐咁就入嚟試下，坐低望下餐牌，見到佢有個避風塘椒鹽豬扒爆蛋撈飯，有個招牌標誌喺隔離，就決定試一試佢。上枱賣相ok，豬扒份量算多，而且有兩隻蛋，感覺唔錯，而且有細心剪開一節節，點知食落就大失所望。椒鹽豬扒雖然望落夠火候，但一咬落，嘩…. 咁韌嘅！自問仲算後生，牙力都叫良好，但件豬扒又韌又鞋，好似食緊香口膠咁。我都仲叫做用多啲力就咬到，牙力無咁好嘅我想像唔到。除此之外，豬扒得個咸字，無椒鹽嘅入口味度，食完飲埋杯嘢飲都仲覺得口渴，完全唔掂。本人不嬲盡量食嘢唔嘥嘢，一般嚟講上碟嘅我會連一粒米都唔剩，但呢塊豬扒我盡曬力，真係食唔到落去，剩低嘅有相為證。