Video
Read full review
2022-06-28
461 views
近年香港人少咗搭飛機外遊，所以假期時，大家都會尋找唔同景點，喺香港玩一日遊。不過，講到旅行，無得搭飛機又好似差少少，所以下次香港一日遊，不如就以一份飛機餐開始啦！位於大角咀嘅The Galley by Cafe Proud Wings，就以機艙做主題，鍾意打卡嘅我哋又飛啦！沙律、蔬菜湯飛機餐嘅頭盤就有沙律同蔬菜湯，沙律非常新鮮，蔬菜湯有香濃牛肉味，絕對係一個唔錯嘅開胃選擇。100萬度馬拉魚蛋The Galley by Cafe Proud Wings嘅小食有好多種，啱晒中意邊飲酒邊食嘢嘅朋友啦！重點推介呢個100萬度馬拉魚蛋，平平無奇嘅炸魚蛋配上老闆特製嘅辣醬，辣得等級值100萬度呀，非常過癮，即刻令人對佢又愛又恨！水牛城雞翼水牛城雞翼就啱晒無咁食得辣嘅朋友，因為佢辣得嚟，又甜甜哋，加上餐廳細心地做成單骨雞翼，食得方便又好味！西班牙爆脆烤乳豬呢個西班牙爆脆烤乳豬最特別係佢嘅蘋果醬汁，所以店員都千叮萬囑我地食嘅時候唔好唔記得個醬！原來呢個蘋果醬汁同乳豬係咁夾，乳豬脆卜卜，一層肥一層瘦，再配上醬汁會中和番乳豬油膩感，味道好有層次。海鮮龍蝦汁意粉龍蝦汁好濃好creamy，每條意粉都掛滿汁，好
沙律、蔬菜湯
飛機餐嘅頭盤就有沙律同蔬菜湯，沙律非常新鮮，蔬菜湯有香濃牛肉味，絕對係一個唔錯嘅開胃選擇。
100萬度馬拉魚蛋
The Galley by Cafe Proud Wings嘅小食有好多種，啱晒中意邊飲酒邊食嘢嘅朋友啦！重點推介呢個100萬度馬拉魚蛋，平平無奇嘅炸魚蛋配上老闆特製嘅辣醬，辣得等級值100萬度呀，非常過癮，即刻令人對佢又愛又恨！
水牛城雞翼
水牛城雞翼就啱晒無咁食得辣嘅朋友，因為佢辣得嚟，又甜甜哋，加上餐廳細心地做成單骨雞翼，食得方便又好味！
西班牙爆脆烤乳豬
呢個西班牙爆脆烤乳豬最特別係佢嘅蘋果醬汁，所以店員都千叮萬囑我地食嘅時候唔好唔記得個醬！原來呢個蘋果醬汁同乳豬係咁夾，乳豬脆卜卜，一層肥一層瘦，再配上醬汁會中和番乳豬油膩感，味道好有層次。
海鮮龍蝦汁意粉
龍蝦汁好濃好creamy，每條意粉都掛滿汁，好好味呀！另外，煎過嘅帶子外脆內軟，質感軟綿綿，確實考功夫。
焦糖朱古力蛋糕
飛機餐又點可以無甜品呢！呢個焦糖朱古力蛋糕嘅可可偏濃，微苦嘅朱古力中和番焦糖嘅甜，令到整個甜品苦中帶甜，一啲都唔漏。
Green Island、Rosy Garden
呢兩杯Moxktail各有特色，Green Island嘅薄荷味非常清新，加上青瓜，絕對係夏天消暑之選！至於Rosy Garden帶有酸酸甜甜嘅野莓味，非常解喝醒胃。
Post
